Að vera á leið í ferðalag

Ég tók mér það leyfi að birta hér á þessari síðu blogg Guðmundar Björnssonar en hann er einn okkar félagana sem eru að fara til Skotlands. Slóðin á blogg Guðmundar er "http://drsaxi.blog.is/blog/drsaxi/about/". Kíkið endilega á bloggið hans.

Að vera á leið í ferðalag !

Það er ólýsanleg tilfinning að vera á leið í skemmtilegt ferðalag. Ferðalagið er markmið í sjálfu sér, og jafnframt áfangi. Eftir langan undirbúning í allan vetur, í kulda og trekki er vorið að koma. Rýnandi yfir kort og bækur, leitandi á netinu, nú er komið að því. Það fylgir þessu ákveðin frelsistilfinnig. Við erum nokkur saman sem ætlum okkur að kannandi strendur, hálendi og eyjar Skotlands. Það er núna í lok Apríl og byrjun Maí sem það skeður, undan því verður ekki vikist. Farskjóttin er mótorhjól, viðhaldið mitt til margra ára BMW R1150 RT silfurgjláandi og speglandi í vorsólinni. Hver fer á sínu, sumir tvímenna en allir hafa sama markmið. Þetta gengur út á það að hafa gaman saman, njóta ferðalagsins, sjá nýja staði, en fyrst og fremst að líða áfram á fáknum sínu engum háður.Nú er að að gera klárt, koma fáknum úr vetrardvala, starta, hlusta og vona að allt sé í lagi. Skipta um olíu, bóna og strjúka, athuga loftið í dekkjunum og svo af stað. Vonandi að þetta virki allt. Nú tekur við sársaukafullur ferill, og það er að skilja við fákinn í hendur annara og senda hann á ókunnar slóðir, þó það séu slóðir víkinga og nú útrásarvíkinga. Það verður léttir þegar endurfundir verða og við fullvissum okkur að fáknum hafi ekki orðið meint af ferðalaginu og ég get klappað honum aftur.Á næstu dögum ætla ég að setja á bloggið ferðaáætlun og leyfa ykkur svo að fylgjast með í myndum, text og jafnvel hljóði. Takmarkið er að þeir sem fylgjast með fái þá tilfinningu að þeir líði með í huganum og kanni ókunnar slóðir og upplifi eitthvað nýtt með mér og ferðafélögum mínum. Þetta veit ég að mörgum langar til.Meira seinna. Hjólin fara í gám á næstunni og ferðin hefst 26. apríl í Immingham í Englandi.

Gámurinn hlaðinn

Í dag var gámurinn okkar hlaðinn. Það tók fljótt af enda var Logi búinn að skipuleggja þessa vinnu mjög vel - og allt gekk upp. Það vantar hjólin að norðan en þau koma í fyrramálið og við ljúkum því hleðsluni þá.

Skipið leggur af stað á miðnætti á fimmtudag og kemur til Immingham snemma næsta mánudag 26. apríl.

Menn eru bjartsýnir á að flug verði komið í lag á mánudaginn þegar menn áætla að fljúga út.

Myndir af hleðslunni er komnar inn á þessa síðu.

Undirbúningurinn er á fullu

Í gær fimmtudag hittumst við flestir í Nesradíó til að líma auglýsingamiðana á töskurnar. Við verðum með límmiða á báðum töskum frá fjórum styrktaraðilum. Það eru: Blumoutain.is, Icelandair, Samskip og N1. Við þökkum þeim mikið vel fyrir stuðninginn. Sjá myndir sem eru á þessari síðu.

Við hlöðum svo gáminn á mánudaginn kl. 14,00 í porti SAMSKIPA í Holtagörðum. Hjólin þeirra Hólmars og Jóa koma að norðan koma með flutningabíl á mánudagskvöld og fara í gáminn á þriðjudag. Gámnum verður svo skilað á miðvikudag og skipið leggur af stað á miðnætti á fimmtudag - og kemur til Immingham snemma á mánudagsmorgni þann 26. apríl.

Allt er tilbúið hvað varðar hleðsluna í gáminn og hefur Logi veg og vanda af því verki og honum til aðstoðar verður Guðmundur Traustason.

Einn félagi okkar - Gunnar Jónsson - veiktist skyndilega og kemst ekki með í þessa ferð. Við óskum honum góðs bata.

Endilega skrifið í gestabókina og svo væri gaman að fá athugasemdir frá ykkur

Um síðuna

Þetta er fyrsta færslan á þessa bloggsíðu sem ætlað er að segja frá ferð okkar nokkurra mótorhjólamannna til Skotlands. Ferðin hefst mándaginn 26. apríl með því að þátttakendur fljúga til London og keyra þaðan í rútu til Immingham en þangað koma hjólin okkar með ms. Arnarfelli skipi SAMSKIPA.

Þaðan er ætlunin að hjóla til Skotlands og hjóla þar til 7. maí.

Hérna ætlum við að skrifa fréttir fram að ferð og svo skrifa inn á hana á meðan á ferðinni stendur - helst daglega.

Síðan verður í umsjá Axels Eiríkssonar, Hilmars Jónssonar og Hólmars Svanssonar.

Allir geta bloggað inn á síðuna, sent kveðjur og hvaðeina. Við munum setja inn myndir úr ferðinni.

Við vonum að þeir sem koma hingað í heimsókn láti vita af sér.